AlbKristian.com - Faqe të Krishtera Shqiptare

Kryefaqja

Shkenca dhe Zoti

Forma matematikore që merr natyra

Është e mahnitshme se si të gjitha dukuritë e larmishme shkencore mund të shjegohen nga një numër i vogël ekuacionesh matematikore si: Ligjet e Njutonit, Ligji i Tërheqjes së Gjithësishme, Ligjet Elektromagnetike të Maxëell, Ligji i energjisë së materies i Einstein dhe disa të tjerë. Në fakt të gjitha ngjarjet fizike në bote ndjekin rigorozish disa ligjësi të caktuara. Shkencëtaret, gjatë studimeve të tyre mbledhin shumë të dhëna dhe ne bazë të tyre përpiqen të nxjerrin një ligj të natyrës, një rregullsi, një rregull që është i njëjtë për të gjitha rastet e studiuara. Nga vjen gjithë kjo rregullsi? Po qe se bota, universi do të ishin produk i rastësisë, nuk do të kishte kuptim gjithë ky rregull. Po qe se universi do të ishte produkt i rastësisë, do të prisnim që edhe ngjarjet të ndodhnin thjesht rastësisht.

Kushtet fillestare

Është shumë interesante po të studiohen kushtet bazë fizike e kimike ta universit tonë, pasi do të shohim se ato janë pikërisht ashtu siç duhet të jenë që të lejojnë jetën tonë  të egzistojë. Ç’do të thotë kjo? Le të shohim disa shembuj.

Forca e tërheqjes bërthamore (forca tërheqese midis protoneve e neutroneve). Në qoftë se kjo forcë do të ishte 5% më e vogël se sa është tani vetëm atomi i Hidrogjenit do të kishte një bërthamë të qëndrueshme dhe nuk do të egzistonte në univers asgje element tjetër kimik. Në të kundërt, në qoftë se Kjo forcë do të ishte vetëm 2% më e madhe do të egzistonin vetëm elementë me bërthama të mëdha dhe nuk do të egzistonte Hidrogjeni, që është i domosdoshëm për lëndët organike. Do me thënë forcat bërthamore janë pikërisht në atë nivel madhësie që nevojitet në mënyrë që të kemi tabelën e Mendelejevit me më shumë se 100 elementë.

Ose po të shohim një shembull tjetër.

Raporti i forcave të tërheqjes bërthamore me forcat elektromagnetike. N.q.s. ky raport do të ishte pak më i lartë apo pak më i ulët nuk do të egzistonin nivelet kuantike te nevojshme për elektronet e karbonit (C). Si pasojë do të kishim një univers që do të përmbante shumë berilium (Be – elementi pararendës i C) dhe fare pak C, ose do të kishim shumë oksigjen (O – elementi pasrendës i C) dhe aspak C. Siç shihet ky raport është perfekt për egzistencën e një atomi si C, i cili me nivelet kuantike të elektroneve të tij krijon lidhje të qëndrueshme (as shumë të forta, as shumë të dobta) me shumicën e elementeve. Jo më kot, sikurse e dimë, C është elementi bazë i jetës.

Rreth 100 shembuj të tillë janë dokumentuar në literaturën shkencore dhe janë përmbledhur në libra të tillë si Parimi Kozmologjik Antropi (1986).

Por nuk ka nevojë që të futemi në thellësitë e forcave berthamore për të kuptuar se universi ynë ka kushte bazë fillestare të tilla që janë shumë të përshtatshmë për të na krijuar ne mundësinë të egzistomë. Shembuj të kushteve të tilla mund të gjejmë edhe në gjërat shumë të zakonshme për të cilat ndoshta s’kemi menduar shumë. P.sh.

Uji

Kjo substancë ka disa veti të çuditshme dhe të veçanta që e bejnë shumë të përshtatshëm për jetën.

Uji ka konstante elektrike 81, gjë që e bën atë tretësin më të mirë të shumicës së lëndëvë organike e inorganike.

Uji ka dendësi maksimale në 4°C, (normalisht do të pritej që dendësia maksimale të ishte në 0°C, temperatura e ngrirjes). Kjo gjë bën që ai të ngrijë në sipërfaqe, por të mbetet i lëngët në thellësi, duke bere të mundur mbijetesën e gjallesave ujore edhe ne klimë shumë të ftohtë.

Uji ka një tension sipërfaqësor shumë të lartë, gjë që bën të mundur ngjitjen e tij në gyptha të vegjel kundër forcës së gravitetit. Kjo siguron njomjen e sipërfaqës së tokës nga thellësia dhe ushqimin e bimëve me ujin e domosdoshëm.

Një shembull tjetër shumë i qartë janë kushtet i deale që ka Toka për të mundësuar jetën tonë.

Largësia e Tokës nga Dielli është optimale për temperaturën e sipërfaqes së saj. Rrotullimi i saj rreth vetes ben që sipërfaqja të ngrohet dhe ftohet rregullisht. Për më tepër boshti i rrotullimit të Tokës rreth vetes formon një kënd me planin e rrotullimit rreth Diellit, gjë që mundëson egzistencën e stinëve. Madhësia e Tokës është shumë e përshtatshme për egzistencën e atmosferës sonë. Po qe se Toka do të ishtë më e madhe, H2 do të tërhiqej nga graviteti i Tokës në sipërfaqe të saj dhe do të bënte të pamundur jeten. Në të kundërt në se Toka do të ishte më e vogel nuk do të kishte forcë gravitacionale të mjaftueshme për të mbajtur një atmosferë rreth vetes.

Dhe shumë shembuj të tjerë si këto.

Si konkluzion i gjithë këtyre shembujve të lodhshëm.

Ç’kuptim kanë të gjitha këto gjëra. Si shpjegohet që në këtë banesë ku jetojmë, të gjitha kushtet janë krijuar optimale që ne të mund të kemi jetën. Duket sikur ne jemi si ai fëmija që lind në një shtëpi ku i janë krijuar të gjitha kushtet e nevojshme. Kjo na bën të mendojmë  të paktën dy gjëra.

E para: Dikush duhet të jetë kujdesur për t’a rregulluar këtë shtëpi që të plotësojë nevojat tona, ashtu siç prindi kujdeset për fëmitë e vet.

E dyta: Ne duhet të jemi shumë të vlefshëm në sytë e Atij që është kujdesur për shtëpinë tonë, derisa Ai ka marrë mundimin të bëjë gjithë këto gjëra të mrekullueshme dhe madhështore për ne.

Shënim: Ky artikull është ofruar nga Faqja "Jam Dakord".

Kthehu tek faqja: Ateizmi dhe Evolucioni

Copyright - E drejta e Autorit © 2002 - 2005  AlbKristian.com - Faqe te Krishtera Shqiptare
Nje Projekt i Sherbeses  'Shqiptaret per Krishtin'.