Artikull: Si munden te Krishteret qe te thone se Jezusi eshte e vetmja rruge per tek Perendia?

AlbKristian.com - Faqe të Krishtera Shqiptare	Kryefaqja

Si munden të Krishterët që të thonë se Jezusi është e vetmja rrugë për tek Perëndia?

Jezusi vetë deklaroi që Ai ishte Perëndi dhe të tjerë e njohën Atë si Hyjni. Ai tha, “Unë dhe Ati jemi një“ (Gjoni 10:30). Gjuha Greke në të cilën Testamenti i Ri ishte shkruar në fillim, është e qartë. Ekzaktësisht, Jezusi tha, "Unë dhe Ati, ne jemi një." Gjithashtu Jezusi shpalli që Ai ishte e vetmja rrugë për tek Perëndia: "Unë jam udha, e vërteta dhe jeta; askush nuk vjen tek Ati përveçse nëpërmjet meje." (Gjoni 14:6) Edhe njëherë gjuha Greke është shumë e qartë. Jezusi përdori fjalët ‘udha’ dhe jo ‘një udhë’.

Pyetja është, a mundemi ne që të pranojmë si të vërtetë atë që Jezusi (Perëndia Biri), pohoi? Prova me bindëse që vërteton Hyjninë e Krishtit është verifikimi historik i ringjalljes. Apostulli Pal shkroi që Jezusi “i deklaruar Biri i Perëndisë në fuqi, sipas Frymës së shenjtërisë nëpërmjet ringjalljes prej së vdekurit“ (Romakëve 1:4) Nëse rringjallja e Krishtit është e vërtetë, atëherë është e mundur dhe, në të vërtetë, llogjike për të besuar të gjitha thënjet dhe mrekullitë e Tij, duke përfshirë këtu mbrotjen e plote që Ai i bëri vleshmërisë së Testamentit të Vjeter. Ato janë ashtu sikurse dhe ne do të prisnim nga Perëndia.

Arsyeja kryesore që e bën Jezusin të vetmen rrugë për tek Perëndia, është sepse Ai fal mëkatin dhe ofron jetë të përjetshme, (Gjoni 10:28) diçka kjo që askush prej themeluesve të ndonjë feje tjetër nuk ka mundur qe ta bëjë. Mendohu pak në lidhje me këtë!

Çdo njeri është i ndarë nga Perëndia i përsosur dhe i shenjtë, për shkak të mëkatit. Sipas kushtit të Perëndisë, individi duhet ose që të paguajë vetë denimin e mëkatit të tij – vdekja – ose duhet që të gjejë dikë tjetër që dëshiron dhe që është në gjendje – që nuk ka mëkat – të paguajë dënimin në vend të tij. (Hebrenjve 9:14, 22) Jezusi ishte në gjendje dhe i vullnetshëm që ta bënte këtë gjë, sikurse dhe ndodhi me vdekjen e Tij në kryq. Kjo është arsyeja pse Jezusi është e vetmja rrugë për tek Perëndia.

Përktheu: Marient Dimushi
Redaktoi: Elvis (Gjoni) Plaku

Marrë nga Answers to Tough Questions. Campus Crusade for Christ.

Kthehu tek faqja: Apologjia