Artikull: Feja

AlbKristian.com - Faqe të Krishtera Shqiptare	Kryefaqja

Feja - Bahai

Kjo është një fe e re që po përhapet në Shqipëri. Por çfarë besojnë ithtarët e kësaj feje?

Bahai u takon disa lëvizjeve që morën si pikënisje myslimanizmin, por në fund u përhapën në një fe të re me pretekstin se e reformojnë mylimanizmin. Më 1844 Said ‘Ali Muhamad nga Shirazi u shpall ‘Bab’ ose porta e së vërtetës hyjnore. Në thelb, kjo lëvizje ëshë zhvillim i disa pikëpamjeve Shiite. Shumica e ithtarëve (besimtarëve) të tij njohën si pasardhës Baha’ Allahun (Miza Husain ‘Ali Nuri), i cili përpunoi një formë të zbutur të mësimit të tij; ata quhen Bahai. Në të vertetë ‘Bab-i’ njihet si mesia faktik (burim zbulimi) për epokën tonë.

Kjo fe pretendon të jetë fe universale, përvetësimi i gjithanshëm i së cilës do të sillte paqe universale: Bahai predikon mosdënimin e askujt, dashurinë për njëri-tjetrin, durimin e padrejtësisë pa rezistencë, përuljen, si dhe përkushtimin për shërimin e të sëmurëve. Bahai ka kler e ceremoni, dhe nuk i lejon praktikat asketike. Pra, qëllimet e Bahait janë, siç duket, shumë të pastra dhe të lavdërueshme. Por atëherë ku qëndron problemi? A nuk e do gjithkush paqen universale? Po, por me ç’kusht?

Mësimi kryesor i Bahait është se kjo lëvizje përfaqeson kulmin e të gjitha feve të botës, të cilat nuk ka për qëllim t’i mposhtë, por t’i plotësojë. Kuptohet vetëvetiu që të gjitha fetë, sipas tyre, mësojnë pothuajse të njejtën gjë. Por kjo nuk vlen as për judaizmin biblik e as për krishterimin, sepse të dyja dallohen nga fetë e tjera, pasi pohojnë se vetëm Perëndia, siç zbulohet në Bibël, është Perëndia i vetëm dhe i vërtetë, dhe se shpëtimi mund të arrihet vetëm me besim te vdekja pajtuese e Krishtit dhe me dorëzim ndaj Tij, e se kjo përfundon në rilindje shpirtërore dhe në jetë të re. Këto janë pretendime shumë ekskluzive.

Pra, çfarë besojnë ithtarët (besimtarët) e Bahait?:

Ata nuk besojnë në trininë dhe gjithashtu ata nuk besojnë se Jezusi është Mesia i vetëm i vërtetë, mësimet e të cilit vlejnë përgjithmonë. Ata e zbresin rëndësinë e Jezusit në një epokë të kaluar dhe lenë të kuptohet se e ka zëvendësuar mesia i tyre, Baha ‘Allahu. ithtarët e Bahait pohojnë se “me Baha ‘Allahun ka lindur epoka e re e pjekurisë, dhe ne duhet t’i dëgjojmë fjalët e tij…ato quhen pushteti i fundit në të gjitha punët e fesë.” Me fjalë të tjera, gjithçka relativizohet në mënyrë indiane për t’i dhënë Baha ‘Allahut epërsi në këtë epokë. Kjo do të thotë se pretendimet e Jezusit, siç shkruhen në “Dhjatën e Re”, duhen holluar duke pohuar se “shumë gjëra në ‘Dhjatën e Re’ janë shkruar shumë kohë pas vdekjes së Jezusit, prandaj nuk ka mundësi që gjithçka të jetë e saktë”, mëgjithatë për këtë nuk ka dëshmi historike.

Përsa i përket idësë së shpëtimit, një përfaqësues i lëvizjes ka thënë: “Ne e pranojmë se askush nuk është i përsosur, por me praktikimin e parimeve të themeluara nga Baha ‘Allahu dhe duke bërë çmos nëpërmjet lutjes dhe sakrificës personale për të jetuar në përputhje me karakterin e qënjes hyjnore të zbuluar në të, ne mund t’ja arrijmë shpëtimit të fundit…por në fund Perëndia duhet të ketë mëshirë për ne, ndryshe askush nuk do t’i shpëtonte dënimit të tij.” Kështu mund të shohim që rruga e shpëtimit, siç e parafytyrojnë ithtarët e Bahait, mbështetet në mundimin personal. Përsa i përket mëshirës së Perëndisë, ne e dimë se Ai është plotësisht i drejtë dhe konsekuent (nuk mund të bëj përjashtime), prandaj mbi ç’bazë mund të ketë mëshirë? Sipas mësimit të Biblës, vetëm në bazë të një flijimi pajtues me vlerë të pakufizuar. Shtrohet pyetja: Ku është një flijim i tillë në fenë e Bahait? Përsëri mund të nxjerrim në shesh jo vetëm pamjaftueshmërinë e kësaj pikëpamjeje, por edhe prejardhjen e vërtetë të saj. Ky sistem mban vulën që kemi përmendur më lart: shpëtimi me vetëmundim, asnjë flijim për mëkatet, si dhe një perëndi të bërë sipas shëmbëlltyrës së njeriut.

Shënim: Ky material është marrë dhe përshtatur nga libri: Dëshmitarët e Jehovait, Mormonët apo Bahai - kush ka të drejtë? Nga GUTE BOTSCHAFT Verlag Postfach 80, D- 35673 Dillenburg, Gjermani.

Kthehu tek faqja: Bahai