Jini mbartës të karakterit të Tij
A - Kryesoret, Cfarë thotë Bibla?, Jeta e krishterë, Materiale Thursday, February 11th, 2010Nga Ervis Muha
Që në fillim Perëndia e krijoi njeriun që të ishte i ngjashëm me Të. Te Zanafilla lexojmë që ne u krijuam sipas shëmbëlltyrës së Perëndisë: “Kështu Perëndia krijoi njeriun sipas shëmbëlltyrës së vet; sipas shëmbëlltyrës së Perëndisë; Ai krijoi mashkullin dhe femrën.” (Zan 1:27)
Perëndia e krijoi njeriun me qëllim që t’i shëmbëllente atij.
Edhe pas mëkatit të Adamit dhe Evës, sërish Perëndia i erdhi në ndihmë njeriut për të restauruar qëllimin që kishte për të. Ai na birësoi në familjen e Tij me anë të Jezu Krishtit. “.. .. duke na paracaktuar që të birësohemi në veten e tij me anë të Jezu Krishtit sipas pëlqimit të vullnetit të vet …. “ (Efes. 1: 4-5 ). “Vetë fryma i dëshmon frymës sonë se ne jemi bij të Perëndisë, dhe nëse jemi bij të Perëndisë jemi edhe trashëgimtarë të Perëndisë dhe bashkëtrashëgimtarë të Krishtit…” (Rom. 8 16-17)
Shpesh ne përdorim shprehje të tilla: ai ka sytë e të ëmës; ka fytyrën e të atit; ka sjelljen e prindërve. Pra, ekziston një vazhdimësi nga prindi te fëmija. Prindërit i transmetojnë fëmijës jo vetëm gjëra në paraqitje po gjithashtu edhe në sjellje, përjetime, emocione, etj.
Mendojeni pak, ne jemi fëmijë të Perëndisë, jemi të thirrur nga Ai dhe jemi krijuar sipas shëmbëlltyrës së Tij. Si rrjedhim, ne jemi mbartës të synimit dhe karakterit të Perëndisë.
Lejoni sot që Perëndia t’ju hapë sytë për të parë atë që Ai ka vendosur brenda jush, dhe trazoni frymën brenda jush.
Jini të frytshëm edhe mbartës të karakterit të Tij.
Postime të tjera me interes:
Short URL: http://www.albkristian.com/cms/?p=1163
Posted by admin
on Feb 11 2010. Filed under A - Kryesoret, Cfarë thotë Bibla?, Jeta e krishterë, Materiale.
You can follow any responses to this entry through the RSS 2.0.
Both comments and pings are currently closed.
5. Zoti nuk mund të shihet.
Bibla aludon qartë se Zoti nuk mund të shihet dhe që kërkush nuk e ka parë: “Dhe tha akoma: “Ti nuk mund të shikosh fytyrën time, sepse asnjë njeri nuk mund të më shikojë dhe të jetojë”. (Ekzodi 33:20) “Dhe Ati, që më dërgoi, ai vetë ka dëshmuar për mua; ju nuk e keni dëgjuar kurrë zërin e tij dhe as nuk e keni parë fytyrën e tij…”. (Gjoni 5:37) “Askush s’e pa Perëndinë kurrë…”. (Gjoni 1:18) “Askush s’e ka parë ndonjëherë Perëndinë”. (1 Gjonit 4:12)
Jezusi jetoj në mesin e njerëzve
Kurse Jezusin e kanë parë dhe ka qendruar në mesin e njerëzve, ka pas familje, ka qen i dërguar i Zotit, etj., ku bibla vetë tregon për këtë: “A nuk është ky i biri i marangozit? Nuk quhet nëna e tij Mari, dhe vëllezërit e tij Jakob, Iose, Simon dhe Juda?”. (Mateu 13:55) “Atëherë njerëzit, kur panë shenjën që bëri Jezusi, thanë: Me të vërtetë ky është profeti, që duhet të vijë në botë”. (Gjoni 6:14) “Ata i thanë: ”Çështjen e Jezusit nga Nazareti, që ishte një profet i fuqishëm në vepra dhe në fjalë përpara Perëndisë dhe përpara gjithë popullit”. (Luka 24:19) Kurse te 1 Gjoni 1:1 thekson që njerëzit e panë Jezusin dhe e prekën atë.
6. Zoti nuk është njeri dhe nuk jeton në tokë.
Bibla thotë: “Perëndia nuk është një njeri, që mund të gënjejë, as edhe bir njeriu që mund të pendohet”. (Numrat 23:19) “Në të vërtetë ai nuk është një njeri si unë, të cilit mund t’i përgjigjemi dhe të dalim në gjyq bashkë”. (Jobi 9:32) “Po a është e vërtetë që Perëndia banon mbi tokë? Ja, qiejt dhe qiejt e qiejve nuk mund të të nxënë dhe aq më pak ky tempull që kam ndërtuar!”. (1 Mbretërve 8:27)