albKristian.comPortali më i madh i krishterë shqiptar
Libër i ri “Nesër do të vdesësh”
“Nesër do të vdesësh” – Një histori e vërtetë rreth dashurisë së Perëndisë për Shqipërinë.
Rionë Peterson Zholi dhe Evelinë Magëllton Hekman s’kishin ëndërruar asnjëherë aventurën dhe rrezikun që i priste, ndërkohë që ndoqën një shkollë misioni afatshkurtër në Zvicër. Pastaj, ndërsa dy vajzat e reja filluan të kërkonin Perëndinë, nisën të ndienin një barrë për vendin misterioz dhe të izoluar të Shqipërisë – një vend krejt i pazakontë.
Gjatë viteve ’70, udhëheqësit shqiptarë mburreshin se vendi i tyre ishte i pari vend në botë krejtësisht ateist. E mbyllur pothuajse krejt ndaj botës së jashtme, Shqipëria komuniste nuk donte të kishte asnjë kontakt me të krishterët. Në këtë komb që i kishte mbyllur të krishterët në fuçi dhe i kishte hedhur në det, shpallja e Lajmit të Mirë dënohej me vdekje.
Pjesëmarrëse të vullnetshme në planin e Perëndisë, por të pasigurta se si Ai do t’ua hiqte barrën e rëndë, Riona dhe Evelina hodhën hapat e parë të vegjël të besimit. Nëpërmjet një morie ngjarjesh të mbinatyrshme në 1973, dy besimtaret e reja u përfshinë në rrezikun dhe intrigën e të qenit agjente të fshehta të Perëndisë, në një vend që e përbuzte haptazi Atë.
Botuar nga Të Rinjtë Me Një Mision dhe mund të blihet për 400 lekë tek:
- Zyra e Të Rinjve Me Një Mision – Tiranë (04) 237-5337
- BUK (VUSh)
- Qendra Stefan
Së bashku për Mbretërinë e Tij!
Ned Spiecker
TRMNjM Shqipëri
