albKristian.comPortali më i madh i krishterë shqiptar
Ramazani: 3 Shtator, 2009 Dita 13
Lutuni për fiset e Irakut
30 Ditët (2009)
Një përqindje e madhe e arabëve të Irakut e kanë origjinën e tyre nga një prej disa konfederatave fisnore. Secili nga këta grupe ndahet në fise, klane, shtëpi dhe familje të zgjeruara. Ka ndoshta 20-30 konfederata me mbi 100.000 njerëz dhe ndoshta mbi 1.000 organizata fisnore në vend. Organizimet fisnore janë thelbësore në identitetin kulturor të Irakut. “Kultura e Irakut, në një masë të madhe, është ndërtuar mbi traditat fisnore. Nga një pikëpamje kulturore, nuk mund ta kuptosh Irakun pa kuptuar rëndësinë e organizimit fisnor”. Fiset grupohen në konfederata (gabila), klane (fukhdh), shtëpi(beit) dhe familjet e zgjeruara (khams). Një khams përbëhet nga të gjithë fëmijët meshkuj, të cilët kanë të njëjtin katragjysh (5 breza në një familje të vetme). Bibla na tregon që njerëz nga çdo komb dhe gjuhë një ditë do të jenë përpara fronit të Perëndisë (Zbulesa 5:9).
*http://www.cfr.org/publication/7681/#12
Disa nga konfederatat fisnore kryesore:
- Muntaq
- Zubayd
- Dulaym
- Ubayd
- Khaz’al
- Bani Lam
- Al Bu Muhammed
- Rabi’a
- Ka’b
- Shammar
- Anaza
- Bani Tamim
- Zar
- Bani Malik
- Khaza’il
- Bani Ka’b
- Jubour
- Azza
Kërkesa Lutjeje:
- Dhimbja dhe vuajtja e popullit të Irakut është e madhe. Lutuni për shërim nga dhimbja dhe një rilindje pozitive për shoqërinë e Irakut pas vitesh të tëra gjakderdhjeje, skamjeje dhe humbje të shpresës. Shikoni database-in në këtë faqe interneti: www.iraqbodycount.org/.
- Lutuni për krerët e fiseve, klaneve, shtëpive dhe familjeve të zgjeruara. Perëndia do që konfederata të tëra, fise dhe klane të marrin shpëtimin e Tij. Lutuni që shumë të mund të zbulojnë jetën e re në Krishtin. Ndryshimi i vërtetë që zgjat dhe shpresa do të gjenden vetëm në Jezusin. Përdorni listën më sipër për lutjet tuaja.
- Një numri të madh besimtarësh të Irakut u është dashur të arratisen nga vendi. Iraku është bërë një vend shumë i rrezikshëm për besimtarët.
