Ramazani: 28 Gusht 2009 – Dita 7
30 Ditët (2009), Përfshihu Thursday, August 27th, 2009
30 Ditët (2009)
Në provincën e Sulavesit Qendror në Indonezi, jetojnë në bregdetin perëndimor 22.000 Kaili Unde. Shumica e Kaili Unde janë myslimanë të përkushtuar. Ata janë të bindur që një ditë do të gjykohen sipas mënyrës si kanë jetuar. Sidoqoftë, jeta e tyre fetare është e përzier me besime të lashta animiste. Shpesh, shumë prej tyre kërkojnë ndihmë nga Dukumi lokal (shamani apo prifti magjistar) për t’u shëruar nga sëmundjet apo shpirtrat e këqij. Kur një shtëpi e re ndërtohet, Kaili Undet i bëjnë gjithmonë dhurata edhe shpirtrave të mirë edhe atyre të këqij. Sa më e madhe të jetë shtëpia, aq më e madhe dhurata.Vetëm pak Kaili Unde kanë ardhur tek Mesia. Fatkeqësisht, nuk ka Bibël apo material të krishterë në gjuhën e tyre.
Kërkesa Lutjeje:
- Lutuni që të ketë një rrugë dhe dëshirë për t’iu bindur Ungjillit midis Kaili Undeve (Romakëve 1:5 dhe 16:26).
- Lutuni që ata të mund dëgjojnë radion e krishterë dhe të shohin televizionin e krishterë indonezian dhe në këtë mënyrë të gjejnë rrugën për te Krishti.
- Lutuni që fuqia e errësirës dhe e skllavërisë ndaj shpirtrave të thyhet dhe sytë e tyre të hapen dhe Kaili Undetë të mund të çlirohen (Veprat 10:38 dhe 26:18).
Lutje për popullin Karanga në Çad:
Karangat janë një popull, që lidhet me popullin më të madh të Bantu-së. Në Çad ata kanë rreth 117.000 njerëz. Ata flasin gjuhën e tyre dhe jetojnë në një zonë të vogël jashtë qytetit të Abekes, në pjesën qëndrore të Çadit jugor. Një burim kryesor i të ardhurave për karangat janë të korrat nga fermat, që variojnë nga ara toke, kikirikë dhe susam, në drithëra dhe grurë. Shumë nga mbjelljet e tyre varen nga reshjet e shiut, kështu që thatësira është gjithnjë një kërcënim serioz për jetesën e tyre. Në vitet e fundit, njerëzit aty kanë parë disa dëme tek të korrat e tyre që janë shkaktuar nga zogj, që hanë drithin dhe i dëmtojnë shumë të korrat. Dihet shumë pak për popullin Karanga. Ka nevojë për lutje për t’i parë ata të vijnë në njohjen e të Vetmit Perëndi të Vërtetë të manifestuar në Krishtin.
Postime të tjera me interes:
Short URL: http://www.albkristian.com/cms/?p=841
Posted by Elvis
on Aug 27 2009. Filed under 30 Ditët (2009), Përfshihu.
You can follow any responses to this entry through the RSS 2.0.
Both comments and pings are currently closed.
