albKristian.comPortali më i madh i krishterë shqiptar
Ramazani: 26 Gusht 2009 – Dita 5
Abdullahu dhe Emineja, Prindërit e Muhamedit
30 Ditët (2009)
Dihet pak për jetën e prindërve të Muhamedit. Babai i Muhamedit, Abdullahu, jetoi nga viti 545-570 Pas Krishtit. Emri i tij i plotë ishte Abd Allah ibn Abd al Muttalib. ‘Allah’ është fjala që përdoret për Perëndinë në arabisht. Abd Allah do të thotë “shërbëtor ose skllav i Zotit”. Abullahu vdiq 6 muaj para se të lindte Muhamedi. Nuk dihet kur ka lindur nëna e Muhamedit. Emri i saj do të thotë “e besueshme ose besnike”. Thuhet që Emineja, e mori Muhamedin dhe e çoi për të vizituar dajat e tij të një fisi an-Najjar, në Medinë. Ajo vdiq rrugës ndërsa po ktheheshin për në Mekë, kur Muhamedi ishte vetëm 6 vjec dhe e la atë jetim. Muhamedi shkoi të jetonte me gjyshin e tij dhe me pas me xhaxhain e tij.
Kërkesa Lutje:
- Lutuni për miliona Abdullahë dhe Emine që jetojnë sot në botë, që ata do të zbulojnë Mesian.
- Lutuni që Abdullahët të mund të zbulojnë lirinë e vërtetë si shërbëtorë të Mbretit të vajosur të Perëndisë, Jezusit.
- Lutuni për çdo grua që quhet Emine, që të mund të zbulojë se Jezusi është Ai që është më besniku.
Shënime: Myslimanët në përgjithësi besojnë që Muhamedi është pasardhës i Abrahamit dhe Ismaelit. Gjyshi i tij ishte roje i Qabesë në Mekë (fotot). Muhamedi kishte më shumë se 10 gra dhe konkubina pas vdekjes së Kadijahs (pa ndonjë pasardhës tjetër natyral). Tre “bija” të tjera jetuan në shtëpinë e Khadijas me Muhamedin. Mesa duket, ato ishin nga një martesë tjetër e Khadijas ose mund të ishin fëmijët e motrës së saj. Eshtë e pamundur të jesh i sigurt për këto.
Komunitetet fetare në botë në numra:
- Budistë: 376 milion
- Fe tradicionale kineze: 400 milion
- Animistë/Fe të fiseve afrikane/të tjera: 450 milion
- Hinduistë: 900 milion
- Laikë/Ateistë: 1.1 miliard
- Myslimanë të të gjitha llojeve: 1.45-1.5 miliard
- Të Krishterë nga të gjitha denominacionet në të gjithë botën: 1.6-2 miliard
Kombet më të populluara nga myslimanë:
| Indonezia | 207 milion |
| Pakistani | 160 milion |
| India | 145 milion |
| Bangladeshi | 132 milion |
| Egjipti | 70 milion |
| Total | 714 milion |
Dëshmi nga Indonezia
Jezusi në vendin e punës: Ahmeti:
Jezusi premtoi: “Sepse kudo që dy a tre janë bashkuar në emrin tim, unë jam midis tyre“ (Mateu 18:20).
Në fakt, shumë myslimanë, ndjekës dhe besimtarë në Jezusin, po përjetojnë praninë e Tij ndërsa mblidhen nëpër shtëpi në emrin e Tij. Kohët e fundit mësuam nga mikja dhe punonjësja “Jasmina“ që Jezusi është i pranishëm gjithashtu në vendin e punës, në fusha dhe në tregjet e fermerëve! “Ahmeti“ është një besimtar në Jezusin, i cili u pagëzua disa muaj më parë (në vaskën prej çimentoje të një banje të ngushtë). Ndonjëherë ai punon në projekte ndërtimi ose në fusha ku pronari i tokës ka nevojë për një krah pune tepër. Në muajt e fundit, Ahmeti ka patur kohë të lirë të vizitojë fushat e orizit pranë shtëpisë së tij. Aty midis fushave të orizit ai ka bërë miq dy punëtorë me mëditje dhe i ka ftuar ata të tregojnë histori personale dhe të luten me të. Ai iu lexon atyre me zë të lartë nga tekste të fotokopjuara të Shkrimit dhe i jep shpjegime. Herët, kur u njoh me këta dy burra, Ahmeti u shpjegoi atyre pse ai lutej në emrin e Jezusit, Mesias. Tani të tre takohen në emrin e Jezusit rregullisht. Jezusi është me Ahmetin ndërsa ai i viziton këto fusha, pasi vetë Jezusi i premtoi dishepujve të Tij: “Unë jam me ju, gjithnjë“.
Jezusi në vendin e punës: Aishja:
“Aishja„ është një besimtare tjetër në Jezusin, e cila zgjohet herët për të shitur peshk në tregun lokal. Lutjet që sollën bekim të biznesit të saj ishin ato që e tërhoqën atë fillimisht tek Jezusi. Tani ajo me besnikëri merr pjesë në një grup ndjekësish të Jezusit që mblidhen nëpër shtëpi. Mbledhjet janë të thjeshta: Lexohen shkrimet, ndahen histori dhe ofrohen lutje për njëri-tjetrin. Në fillim të këtij viti Aishja vendosi që mund të fillonte një takim të ngjashëm . . . në treg! Kështu që shumicën e pasditeve të vona, kur tregu ka rënë në qetësi, ajo mbledh edhe 6 veta të tjerë. “Ne jemi krijesa e Perëndisë“, thotë ajo. “Të ndajmë me njëri-tjetrin dhe të lutemi sëbashku do të na ndihmojë të qëndrojmë më pranë Perëndisë“. Në javët e fundit ky grup është kënaqur duke lexuar nga Zanafilla dhe nga jeta e Jezusit. Jezusi është me Aishen ndërsa ajo i do të tjerët në emrin e Tij. Ndërsa me guxim Aishja dhe Ahmeti shpallin autoritetin dhe bekimin nëpërmjet Jezusit, Mesias, ata po shohin Mbretërinë e Zotit të ndërtohet në vende ku njerëzit mblidhen natyrshëm. Faleminderit, Zot!“.
