Shkalla e përndjekjeve 2010 – Përndjekjet nuk e ndalin dot përparimin e Ungjillit!

Besimi i krishterë po përhapet gjithnjë e më shumë në botë. Por aty ku Kisha rritet më shumë, përndjekja, po ashtu, vjen duke u rritur. Dhe këtë nxjerr pikërisht në dritë edhe Shkalla e re e Përndjekjeve e publikuar nga misioni i organizatës Dyer të Hapura. Kjo Shkallë, që publikohet çdo vit, klasifikon 50 vendet ku përndjekja ndaj të krishterëve është më e thellë. Ajo është e ndërtuar sipas kritereve që variojnë si qëndrimi i qeverisë, veprimet e dhunshme ndaj të krishterëve, liria e shprehjes…

Shkalla e Përndjekjes na tregon se situata në Amerikën e Jugut është përmirësuar : në Peru burgosen më pak të krishterë, në Kolumbi nuk vriten më shumë pastorë, dhe Kuba po e zvogëlon pushtetin e saj ndaj të krishterëve. Por kjo nuk ndodh kudo. Për shkak të përhapjes së fesë islamike në Azinë Qendrore, persekutimi është rritur, veçanërisht në Kirgistan, vend i cili për herë parë renditet në Shkallën e Përndjekjes.

Viti 2009 ka qenë në veçanti viti më i vështirë për Kishën në Somali, e cila renditet e 4-ta në Shkallën e Përndjekjes. Grupi terrorist islamik Al Chabaab kreu një shfarosje të vërtetë të krishterëve, me qëllim shkatërrimin e kishave të fshehta. Ngjarjet dramatike që ndodhën në Mauritani tregojnë në të njëjtën mënyrë një përpjekje për të shkatërruar Kishën e sapolindur formuar nga të krishterë vendas. Tashmë ky vend renditet në vendin e 8-të të vendeve ku të krishterët përndiqen më shumë, 10 vende më lart sesa vitin e mëparshëm.

Por, çdo ditë, shohim sesi Perëndia vepron në botë : vejushat në Nigeri arritën të falin vrasësit e burrave të tyre. Të krishterët në Irak mësojnë se si të ndërtojnë jetën e tyre pas stuhisë. Dhe ndërsa Koreja e Veriut mbetet përndjekësi më i madh në botë, të krishterët vendas luten për të patur rast të ungjillizojnë! Le të lavdërojmë Perëndinë ndërsa mbretëria e Tij po përhapet në botë dhe të vazhdojmë të lutemi për vëllezërit dhe motrat tona të përndjekura.

• Le të falenderojmë Perëndinë për përparimin e Ungjillit në të gjitha këto vende të mbyllura.
• Lutja është gjëja e parë që kërkojnë vëllezërit dhe motrat tona të përndjekura. Ndaj le të lutemi për inkurajimin e tyre dhe që të qëndrojnë të palëkundur pavarsisht nga përndjekjet.
• Le të lutemi për mbrojtjen e të gjithë pjestarëve të organizatës Dyer të Hapura dhe për veprimet e saj në terren.

Ky lajm mund të përdoret me kusht që t’i referoheni burimit : Portes Ouvertes France
Përkthyer me autorizim nga Fondacioni Alo!Mik – Dërguar në bashkëpunim me VUSH.

Short URL: http://www.albkristian.com/cms/?p=1126

Posted by Manjola on Jan 27 2010. Filed under Përfshihu, Zinxhiri i Lutjes. You can follow any responses to this entry through the RSS 2.0. You can leave a response or trackback to this entry