Vlerat e bashkeveprimit me te tjeter

Nga: Rick Boxx

A ju ka ndodhur te luani ne nje ndeshje futbolli apo basketbolli ku dikush prej shokeve te skuadres e ka “monopolizuar” topin duke mos u a pasuar ate te tjereve ne kohen e duhur?  Ne keto raste, pavaresisht se lojtari ne fjale mund te jete shume i afte, shoket e skuadres reagojne duke mos i dhene me top. Keshtu ai mbetet relativisht i izoluar dhe pak i jepet mundesia te shfaqe talentin e tij. Ne fund te fundit, jo me kot jemi pjese e nje skuadre! Fitorja nuk arrihet i vetem!

Ne menyre te ngjashme  me ate qe thame me siper, kultura e punes e disa kompanive i ve aq shume rendesi rolit te individit sa, per hir te tij, shpesh sakrifikohen objektivat e nje grupi te tere. Kjo con ne deshtim. Ne vend qe te punojne se bashku me koleget, keta  “yje” kane tendencen qe ta fokusojne vemendjen  vetem tek vetja e tyre. Ata perpiqen te shtojne perfitimet e tyre individuale ne kurriz te “shendetit” te pergjithshem  ekonomik dhe moral te kompanise
Bizneset e sukseseshme dine te gjejne drejtpeshimin e duhur midis rolit te individit dhe bashkevepimit te tij me te tjeret. Ato vene ne plan te pare vlerat e grupit dhe nxisin individed qe te kontribuojne maksimalisht brenda grupit. Megjithese i japin vendin e duhur talentit dhe aftesive te cdo individi, biznese te tilla nuk lejojne kurre qe individi te vere interesat e tij mbi interesat e grupit sepse nje gje e tille con patjeter ne deshtimin e ketij te fundit.

Idete mbi punen ne grup dhe mbi bashkeveprimin ne pergjithesi nuk jane fort te reja. Aspekte te tyre i hasim pothuase ne cdo epoke te shoqerise njerezore. Edhe Bibla, si nje permbledhje shkrimesh te perpunuara gjate disa mijra vjeteve, shpesh i afirmon qarte vlerat e punes ne grup. Ja se cfare thuhet ne disa parime biblike te nxjerra nga Libri i Predikuesve ne Testamentin e Vjeter:

Edhe njeriu me i fuqishem ka nevoje per mbeshtetjen e te tjereve. Drejtuesi e nje kompanie merr shumicen e lavderimeve kur biznesi ka sukses, ashtu sikunder merr mbi vete edhe shumicen fajeve kur biznesi deshton. Por edhe drejtuesi me i zot nuk mund ta beje punen i vetem. Ai nuk mund t’i kete kurre te gjitha aftesite per te permbushur te gjitha detyrat qe duhen plotesuar. “Dy vlejne me shume se nje i vetem, sepse kane nje shperblim te mire per mundin e tyre (Predikuesit 4:9).

Puna ne grup iu mundeson njerezve qe te rimarrin veten nga deshtimi. Askush nuk eshte tere kohes i suksesshem. Ne fakt, shumica prej nesh me shpesh deshton se sa ka sukses. Por, kur deshtojme, kur rrezohemi dhe prane kemi grupin, atehere dikush te jep doren e te ngre, te shkund pluhrin dhe, duke te ndihmuar qe te kuptosh se ku te ka caluar puna, te inkurajon qe t’i futesh serisht sproves. “Ne se rrezohet, njeri ngre tjetrin; por mjere ai qe eshte vetem dhe rrezohet, sepse nuk ka njeri qe te ngreje!” (Predikuesit 4:10).

Puna ne vetmi ka rendiment te ulet. Puna e izoluar ta ul shume efektivitetin sidomos ne zgjidhjen e detyrave qe kerkojne krijimtari ku nje bashkesi mendjesh mund te gjejne zgjidhje te atilla qe nje individi te vetem nuk mund t’i shkojne kure ndermend.  “Diskutimi krijues”, qofte edhe i ashper, nxit per produktivitet maksimal mendjen e gjithesjcilit qe merr pjese ne kete diskutim. “Keshtu gjithashtu ne se dy veta flene bashke, ata kane mundesi te ngrohen; por ai qe eshte vetem, si do t’ja beje te ngrohet?” (Predikuesit 4:11).

Bashkeveprimi prodhon nje force krijuese qe kurrsesi nuk mund ta ushtrojme individualisht. Nje kale i vetem eshte ne gjendje te terheqe nje ngarkese te caktuar, por dy a me shume te tille mund te terheqin se bashku shume me teper. Kjo vlen edhe ne boten e biznesit ku shume prej sfidave qe kemi perpara nuk perballohen ne vetmi.  “Ne rast se dikush mund te mposhte ate qe eshte vetem, dy veta mund t’i rezistojne; nje litar tresh nuk keputet aq shpejt” (Predikuesit 4:12).

Reflektim/Diskutim Pyetje

1. Ne mjedisin ku ti punon, preferon te punosh ne menyre te pavarur apo te pelqen te marresh pergjegjesi ne kuadrin e nje grupi? Shpjegohu ne pergjigjen tende.
2. Perpara se te lexoje kete “Manna te se Henes”, a ia kishe idene koncepteve te ndervartesise dhe bashkeveprimit? Sipas teje, cilat jane perfitimet me kryesore nga puna ne grup?
3. Duke e pare kete ceshtje nga nje kendveshtrim tjeter, cilat jane avantazhet e te punuarit ne menyre individuale – te pakten per nje pjese te kohes?
4. A mund te sjellesh ndonje rast kur e ke ndjere personalisht se puna ne grup ka pasur vlere te madhe? Mundohu te shpjegosh rrethanat konkrete ne te cilat je gjendur ne ate rast.

SHENIM: Nese e ke Biblen dhe deshiron te thellohesh ne kete teme, lexo pasazhe si me poshte:

Fjale te Urta 27:17; 1 Korintasve 12:12-31; Efesianeve 4:1-5,11-16; Filipianeve 2:1-4

Short URL: http://www.albkristian.com/cms/?p=678

Posted by Elvisi on Jun 15 2009. Filed under Për profesionistët. You can follow any responses to this entry through the RSS 2.0. You can leave a response or trackback to this entry