Doktrinat e Bibles: Eskatologjia - Doktrina e Gjerave te Fundit: Mijevjecari.

AlbKristian.com - Faqe të Krishtera Shqiptare	Kryefaqja

VIII. MijEvjeCari

Mijëvjeçari është mbretërimi njëmijëvjeçar i Krishtit, menjëherë pas Fatkeqësisë së Madhe. Fjala “Mijëvjeçar” nuk është një fjalë biblike, por është një e vërtetë biblike.

A. Fakti i Mijëvjeçarit.

1. Zoti e ka dekretuar (Psalmi 2).

2. Krishti e mësoi këtë gjë (Mat. 24; Marku 13; Luka 21).

3. Shkrimet na e thonë (Isaia 2, 11).

4. Psalmisti e përshkroi (Psalmi 72).

5. Engjëjt e shpallën (Luka 1).

6. Shpërfytyrimi e portretizon (Mateu 16:28; 17:1).

7. Një Ungjill e përshkruan (Marku 6:45-56).

8. Apostujt e predikuan (Veprat 2, 3).

9. Natyra e dëshiron fort (Romakëve 8).

B. Përshkrimi i Mjëvjeçarit.

1. Një mijë vjetët (Zbulesa 21:1-7).

2. Epoka që do të vijë (Efesianëve 1:21).

3. Dita e Zotit (Zbulesa 6:12-17; Joeli 2:10-11, 30-31; Hagai 2:6-7; Mateu 24; Zakaria 14:1-5).

4. Në atë ditë (Isaia 4:2; 2:11, 17, 20-21; 11:11).

5. Ripërtëritja e të gjitha gjërave (Mateu 19:18; Isaia 32). “[Zoti do] të dërgojë Jezus Krishtin që ju ishte predikuar më parë juve, të cilin qielli duhet ta mbajë deri në kohën e ripërtëritjes të të gjitha gjërave, për të cilën Perëndia ka folur nëpërmjet gojës së gjithë profetëve të tij të shenjtë, që nga fillimi i botës” (Veprat 3:20-21). Disa e përdorin këtë varg me kuptimin e ripërtëritjes së mëkatarëve që kundërshtuan Krishtin, duke përfshirë edhe Djallin! Vini re që vargu i mësipërm thotë: “për të cilën Perëndia ka folur nëpërmjët gojës së profetëve të tij të shenjtë”. Profetët nuk thonë asgjë për ripërtëritjen e Djallit dhe të mëkatarëve.

          (a) Izraeli në Tokën e Premtuar (Isaia 11: 10-12).

          (b) Pendimi i kombeve ndaj Jehovait (Zak. 12:10-14).

          (c) Heqja e grupit të paudhësisë (Zakaria 3:9).

          (d) Ridhënia e shiut (Joeli 2:23-29).

          (e) Riskalitja e ligjit të Perëndisë (Jeremia 31:28-37).

          (f) Rishpërndarja e tokës (Ezekieli 48).

          (g) Rindërtimi i Jeruzalemit (Isaia 62; Ezekieli 40).

          (h) Ripërtëritja prej robërisë së frikës (Isaia 14:1-3; Jeremia 33:14-16).

          (i) Ripërtëritja e dashurisë së Jehovait (Zak. 3:16-20).

6. Guri që godet (bie) (Danieli 2).

C. Tipet (përngjasimet) e Mijëvjeçarit.

1. Viti i Jubileut (Levitiku 25).

2. Festa e Kasolleve (Tabernakujve) (Levitiku 23).

3. Sabati. Ky është pushimi që do të vijë.

4. Mbretëria e Izraelit nën mbretërimin e Solomonit. Ky ishte një mbretërim i plotë paqeje.

D. Kushtet gjatë Mijëvjeçarit.

1. Kisha. “Kjo fjalë është e vërtetë, sepse, nëse ne vdiqëm me të, me të edhe do të rrojmë; në qoftë se vuajmë, do të mbretërojmë bashkë me të; po ta mohojmë, edhe ai do të na mohojë” (2 Timoteu 2:11-12). Kudo që të jetë Zoti, atje do të jemi edhe ne me Të (1 Thesalonikasve 4:17). Ne do të mbretërojmë dhe ne do të gjykojmë engjëjt dhe botën. 1 Korintasve 6:2-3 thotë: “A nuk e dini ju se shenjtorët do të gjykojnë botën? … A nuk e dini ju se ne do të gjykojmë engjëj”?

2. Satani. Satani do të vuloset dhe do të lidhet për një mijë vjet (Zbulesa 20:1-7). Përpara kësaj, Antikrishti hidhet në liqenin e zjarrit (Zbulesa 19:20).

3. Izraeli. Ky do të bëhet përsëri kreu i të gjitha kombeve dhe nuk do të mbetet më bishti siç është sot (Isaia 2:1-4; 11:3-4; 61:5; Zakaria 8:23; Ligji i Përtërirë 28:13).

4. Kombet e botës. Të gjitha kombet do të duhet të vijnë në Jeruzalem çdo vit dhe të adhurojnë Perëndinë Jehova atje. Në qoftë se ata nuk e mbajnë Festën e përvjetshme të Kasolleve, Perëndia do të bëjë që të mos bjerë shi fare mbi atë komb (Zakaria 14:16; Isaia 2).

5. Njerëzia.

          a. Kushti frymëror. Disa shtyhen që të mendojnë që nuk do të ketë mëkat gjatë Mijëvjeçarit. Por mëkat do të ketë. Natyra njerëzore nuk ka ndryshuar kurrë nga një dispensacion në tjetrin. Do të ketë adhurim mbarëbotëror të Krishtit (Hebrenjve 8:11; 2:14; Filipianëve 2:10-11), por do të jetë një bindje e shtirur nga shumë njerëz. Për shembull, shumë njerëz në burg u binden mbikqyrësve të tyre jo sepse i duan, por sepse kështu duhet. Nga do të vijnë këta mëkatarë, përderisa Mijëvjeçari fillon vetëm me besimtarë të rilindur. Ata do të lindin nga prindër të shpëtuar që do të dalin të gjallë nga Fatkeqësia.

          b. Kushti fizik. Jeta njerëzore do të zgjatet. Disa do të jenë në gjendje të jetojnë gjatë gjithë Mijëvjeçarit. Do të ketë vdekje gjatë mbretërimit të Krishtit jo për besimtarët, por për jobesimtarët. Shihni edhe Isaia 65:20.

          c. Kushti moral. Kjo nuk do të jetë një periudhë përsosmërie. Megjithatë mëkati nuk do të lejohet që të ngrejë krye. Krishti do të mbretërojë me një skeptër hekuri (Psalmi 46:9; Isaia 2:4). Dhe prapëseprapë mëkati do të kryhet në zemrat e njerëzve.

6. Krijimi.

a. Fizik. Kur Adami ra, toka u mallkua (Romakëve 8:18-23). Njeriu ka kryer mrekulli me sistemin e tij ujitës, por shihni çfarë do të bëjë Perëndia! “Shkretëtira dhe toka e thatë do të gëzohen, vetmia do të gëzohet dhe do të lulëzojë si trëndafili” (Isaia 35:1). Shihni gjithashtu Isaia 55:13. Krijimi do të rivendoset plotësisht; s’do të ketë më tërmete, stuhi, zi buke dhe muratjë (Joeli 2).

          b. Bota e kafshëve. Përpara se njeriu të mëkatonte, Perëndia kishte vënë frikën e njeriut tek kafshët. Ata hanin barin e fushave. Gjatë Mijëvjeçarit ato do të kthehen përsëri tek i njëjti rregull që Ai kishte patur synim për to (Isaia 11:6-9). “Ujku do të banojë bashkë me qengjin dhe leopardi do të rrijë me kecin; viçi, luani i vogël dhe bagëtia e majmur do të rrinë bashkë dhe do të udhëhiqen nga një fëmijë” (Isaia 9:6). Kjo do të thotë që fëmijët, gjatë Mijëvjeçarit, në kuptimin e mirfilltë do të ecin bashkë me kafshët. Zoti nuk është duke thënë që fëmijët do të udhëheqin mëkatarë tek Zoti.

Kthehu tek faqja: Doktrinat e Biblës