Artikull: Cfare eshte Bibla?

AlbKristian.com - Faqe të Krishtera Shqiptare	Kryefaqja

Çfare eshte Bibla?

Bibla është e paparalelueshme në influencën, qëllimin, dhe fuqinë e saj. Ajo është Fjala e Perëndisë. Njëkohësisht, ajo është burimi dhe rregjistrimi i historisë së beslidhjes së Perëndisë me njerëzit e Tij. Në faqet e saj ne mësojmë vullnetin e Perëndisë për aspektin moral, shpirtëror, dhe shoqëror. Ne mesojmë çfarë është e drejtë dhe çfarë është e shtrembër, të vërtetën dhe gabimin. Bibla është mëse e mjaftueshme në autoritet (autoritare) për të na drejtuar në besim dhe në praktikë. Ajo është një manual për të gjithë ata që e quajnë vete të Krishterë/Kristian (2 timoteut 3:16).

Bibla është libër me karakter hyjnor, përshkak se frymëzimi dhe autoriteti i saj vijnë nga Perëndia. Njëkohësisht, ajo është libër me karakter njerëzor, pasi Perëndia vendosi që të përdorte njerëz për shkruajtjen e saj.

Ajo është e përbër nga 66 libra që u shkruan nga më shumë se 40 autorë, në një periudhë prej 1600 vjetësh, duke filluar rreth vitit 1500 para Krishtit deri rreth vitit 100 pas Krishtit. Dhjata e Vjetër është pjesa e parë e Biblës e përbër prej 39 librash, që u shkruajtën në periudhën para Krishtit. Dhjata e Re është pjesa e dytë me 27 libra të shkruajtur pas Krishtit. Autorët e saj shkruajtën të shtynë nga Fryma e Shenjtë (2 Pjetrit 1:21). Ata shkruan jo me fjalë të mësuara nga dituria njerëzore, por me fjalë të mësuara nga Fryma e Shenjtë (1 Korintasve 2:13).

Lexo: Biblën në Shqip.

Kthehu tek faqja: Materiale Biblike