Krishterimi: Historia e Krishterimit - Besim i Bazuar ne Fakt

AlbKristian.com - Faqe të Krishtera Shqiptare	Kryefaqja

Historia e Krishterimit – Besim i Bazuar ne Fakt

Historia e Krishterimit: Fillimi i Besimit

Historia e Krishterimit – si filloi gjithçka? Krishterimi filloi rreth 2000 vjet më parë në Jude (Izraeli i sotshëm) me Jezus Krishtin dhe grupin e dishepujve të Tijë besnikë. Gjatë kësaj periudhe, Judea ishte një udhëkryq kulturor qytetesh dhe fermash plot me lëvizje. Perandori i Romës ishte sunduesi. Judenjtë në atë kohë e urrenin sundimin romak – kjo pasi për ta ai sillte në mendje shtypjen njerzore që ata kishin duruar historikisht. Besimet kulturore politeiste të Romës gjithashtu ishin pagane dhe imponuese mbi jetën e tyre Judaike. Disa judenj vendosën që shpresa e tyre e vetme ishte konformimi ndaj kësaj sfide. Të tjerë u bënë fetarë të zellshëm të cilët formuan grupe guerrile rezistence kundër Romës. Kurse të tjerë u tërhoqën në shkretëtirën e Judesë për të studjuar ligjin e Hebrenjve dhe për të pritur arrjen përfundimtare të Mesias (shpëtimtarit) të tyre të premtuar.

Historia e Krishterimit: Ardhja e Jezus Krishtit

Historia e Krishterimit – me këtë sfond kultur dhe fetar, filloi edhe shërbesa e Jezusit. Jezusi ishte jude (hebre). Ai ndiqte besimin judaik (hebre) dhe e njihte mirë ligjin e tyre. Në fillim të të tridhjetave, Jezusi filloi që të shkonte nga njëri fshat në tjetrin, duke mësuar nëpër sinagoga dhe duke shëruar ata vuanin. Mësimet e Jezusit ishin revolucionare. Ai i sfidoi autoritetet e vendosura fetare që të pendoheshin nga vetë-drejtësia dhe hipokrizia e tyre dhe që të kuptonin që Mbretëria e Perëndisë është e bazuar në shërbim dhe dashuri. Mësimet e Jezusit i trazonin zemrat e njerëzve dhe krijonin paqëndrueshmëri, diçka kjo që i shqetësonte autoritetet fetare të kohës. Shumë shpejt një grup burrash filluan që ta ndiqnin Jezusin dhe që ta quanin mësues. Këta burra u bënë dishepujte e Tij. Jezusi i mësoi dishepujt e Tij në lidhje me vullnetin e Perëndisë dhe në lidhje me “besëlidhjen e re” të cilën Perëndia do ta vendoste me njerëzit nëpëmjet Tij. Jezusi i ndihmoi ata që të shihnin që njerëzimi është i lidhur nga vuajtjet dhe kotësitë e jetës si rezultat i mëkatit. Përshkak të mëkatit, njerëzimi e humbi mardhënien e vet me Perëndinë. Qëllimi i kësaj “besëlidhje të re” është që ti rikthejë ata që e pranojnë atë një mardhënie të përtërirë faljeje dhe dashurie me Perëndinë. Por çfarë është kjo besëlidhje e re? Jezusi vetë do të paguante për mëkatet e të gjithë njerëzimit duke u kryqëzuar padrejtësisht në një kryq Romak. Tre ditë më vonë, Ai do të ringrihej në jetë, duke e mundur vdekjen, për ti dhënë shpresë një bote të pa shpresë. E pra, gjithçka ndodhi ashtu siç Jezusi u kishte thënë, dhe dishepujt e Tij ishin dëshmitarë të një mrekullie të mahnitshme. Mësuesi i tyre, Jezusi nga Nazareti, vdiq dhe tre ditë më vonë u ngrit për tu bërë Mesia (Shpëtimtari) i tyre. Të shtyrë nga një porosi e madhe për të ndarë dashurinë që Perëndia i këtij universi u kishte dhënë atyre, dishepujt filluan që të shpallin këtë ungjill shprese anë e mbanë vendit. Kështu, nga një grup i vogël njerëzish që jetonin në një provincë të vogël të Judesë rreth 2000 vjet më parë, historia e Krishterimit filloi, dhe besimi i Krishterë qysh prej asaj kohe është përhapur në të gjithë botën. Mesazhi i tyre i ungjillit ishte i thjeshtë: “Sepse Perëndia e deshi aq botën, sa dha Birin e tij të vetëmlindurin, që, kushdo që beson në të, të mos humbasë, por të ketë jetë të përjetshme” (Gjoni 3:16).

Historia e Krishterimit: E parathënë në Profeci

Megjithëse shumica e dokumentimit historik për fillimin e besimit të Krishterë dokumentohet në ngjarjet e Dhjatës së Re, në fakt historia e Krishterimit filloi me profeci në Dhjatën e Vjetër. Ka rreth 300 profeci (parathënie) të dhëna në një periudhë prej 1000 vjetësh që gjenden në Dhjatën e Vjetër të cilat kanë të bëjnë me ardhjen e Mesisë Judaike (Hebraik). Studimi i jetës, vdekjes dhe sfondit në lidhje me Jezusin do të na tregonte padyshim që Ai ishte përmbushja e këtyre profecive Mesianike. Prandaj, kohë më përpara se Jezusi të ecte mbi tokë, misioni i Tij iu bë i njohur njerëzimit nëpërmjet Fjalës së Perëndisë.

Historia e Krishterimit: Një Besim i Bazuar në Fakt Historik

Historia e Krishterimit – a ndodhi me të vërtetë? Në pamje të parë, historia e origjinës së Krishterimit mund të duket asgjë më tepër se sa një përrallë. Shumë mendojnë që kjo është tepër paarritshme, dhe e pandershme intelektualisht, që njerëzit e shekullit të 21-të të besojnë që këto ngjarje ndodhën me të vërtetë. Por, besimi i Krishterë, në ndryshime me shumë fe të tjera, varet në ngjarje historike, duke përfshirë edhe një me një rëndësi shumë të madhe. Nëse Jezus Krishti vdiq por nuk u ngrit përsëri në jetë, atëhere Krishterimi është një mit dhe një mashtrim. Tek 1 e Korintasve 15:14, Pali i këshillon lexuesit e tij që të kapen fort mbas kësaj të vërtete, që “në qoftë se Krishti nuk është ringjallur, predikimi ynë është i kotë dhe i kotë është edhe besimi juaj.” Prova për ringjalljen është themeli për të vendosur që Jezusi është me të vërtetë Ai që Ai tha që ishte. Është vlefshmëria historike e këtij fakti qëndror e cila u jep të Krishterëve një shpresë të vërtetë dhe të amshuar në mes të kësaj bote në vuajte.

Shënim: Ky material u morr dhe u përkthye nga faqja “History of Christianity - Fact Based Faith”. http://www.history-of-christianity.com/

Përktheu dhe përshtati: Elvis Plaku

Kthehu tek faqja: Materiale Historike