Artikull: Inkurajuesi 1

AlbKristian.com - Faqe të Krishtera Shqiptare	Kryefaqja

Inkurajuesi – vol. 1

Zoti i kësaj bote

Bibla thotë tek 2 Korintasve 4:3,4 ”Dhe, në qoftë se ungjilli ynë është ende i mbuluar me vel, ai është i mbuluar për ata që humbin, të cilëve perëndia i këtij shekulli ua verboi mendjet e atyre që nuk besojnë, që drita e ungjillit të lavdisë së Krishtit, që është shëmbëllimi i Perëndisë, të mos ndriçojë tek ata.” Një version tjetër: ”Ungjilli i Jezus Krishtit nuk është i fshehur për ne, të cilët besojmë në të, por për ata që janë të humbur. Ata nuk munden që të shohin për arsye se zoti i kësaj toke, Satani, i ka verbuar ata nga drita e së vërtetës. Deri atëherë, kur të vijnë koha që fuqia e Perëndisë të depërtojë në erësirën e tyre, ata kurrë nuk do të kenë shpëtim.” Por ne kemi një shërbesë e cila mundet që ti arrijë ata që janë të humbur. Është e njëjta shërbesë që iu dha edhe Apostullit Pal kur ai iu drejtua jo-hebrenjve.

Shërbesa e Palit

Në librin e Veprave të Apostujve tek kapitulli 26 vargjet 15-18, ne vërejmë Palin i cili po i tregon mbret Agripës për takimin që ai pati me Jezusin. Në këtë takim Jezusi e angazhoi Palin me misionin që të shkonte tek të humburit, që:

t'u çelte sytë

dhe ti kthente ata nga errësira në dritë

nga pushteti i Satanit për te Perëndia

që ata të mund të merrnin faljen e mëkateve

dhe që të merrnin trashëgimi sëbashku me ata që janë të shenjtëruar me anë të besimit në Jezusin

Perëndia na ka dhënë të njëjtin mision edhe neve sot. Ne Duhet që të jemi Apostujt e Tij, të dërguar në emrin e Tij. Ne duhet që të sjellim dritën e Jezus Krishtit tek kjo botë e humbur dhe në errësirë. Ti duhet që t'u dëshmosh atyre që janë humbur me bindje, ”sepse më i madh është ai që banon ne ju se sa ai që është në botë.” Perëndia u shërben njerëzve të humbur kur do që Ai të dëshirojë dhe si të dojë, fuqia e tij nuk ka kufinj.

Një dëshmitar i kohës moderne

Bill Brait (Bill Bright) është themeluesi dhe presidenti i një shërbese mbarë botërore që quhet Campus Crusade for Christ. Në librin e tij të titulluar "Perëndia – Zbulo karakterin e Tij," ai shkruan …"ne kemi pregatitur me miliona besimtarë në të gjithë botën që të mund të ndajnë Krishtin me cilindo që do ti ndëgjojë, duke qëne nën ndikimin e fuqisë së Frymës së Shenjtë, dhe duke ia lëne rezultatet Zotit.” faqja.58

Idera për ndarjen e ungjillit:

Lutu që Perëndia të të japi dhembshuri për njerëzit e humbur që të rrethojnë.

Kërkoi Perëndisë që të të japi mundësi për të ndarë ungjillin, dhe aftësi për ta bërë këtë gjë.

Mendohu se si do të ishte jeta jote pa Jezusin.

Mbani mend: "Dhe çdo gjë që të bëni, me fjalë a me vepër, t'i bëni në emër të Zotit Jezus, duke e falenderuar Perëndinë Atë nëpërmjet Tij." (Kolosianëve 3:17)

Autori: Nathan Werking

Përktheu: Marient Dimushi
Redaktoi: Elvis Plaku

Shënim: Ky artikull është marrë nga një bulletin që publikohet në Dallas, Texas si pjesë e shërbesës së kishës Resurrection Center.

Kthehu tek faqja: Materiale Biblike