Artikull: Inkurajuesi 2

AlbKristian.com - Faqe të Krishtera Shqiptare	Kryefaqja

Inkurajuesi – vol. 2

IZRAELI

Për shkakun e mëkatit të tyre Perëndia i shpërndau bijtë e Izraelit nëpër të gjithë kombet. Por Perëndia premton në fjalën e Tij se një ditë ai ka për ti mbledhur fëmijët e Tij përsëri në tokën të cilën ua ka premtuar. Fillimi i këtij premtimi u përmbush në atë kohë kur Izraeli u shpall shtet i pamvarur, 15 maj 1948. Si rredhojë e kësaj ngjarjeje shumë Judenj nga shtete të largëta kanë filluan të rikthehen sërisht në mëmëdheun e tyre.

Pastori John Hagee shkruan në studimin e tij profetik të Biblës: ”Me dhjetra mijëra Judenj të shtetit të veriut (Rusia) janë kthyer në Izrael, dhe gjithashtu popull Jude nga i gjithe globi tokësor. Ne i kemi parë ata në rubrikat televizive duke u zbritur avionëve në Tel Aviv. Ne kemi lexuar në të gjitha llojet e mediave. Por ne i kemi lexuar këto më parë tek Jeremia. Është kjo një shenjë tjetër e cila tregon që ne jemi generata e fundit.”

Grumbullimi i Judenjve, përmbushja e Fjalës së Perëndisë është tashmë duke ndodhur. Ardhja e Zotit është afër.

Charles G. Finney

Njëri nga predikuesit e Ringjalljes dhe shërbyesit më të mëdhenj të Ungjillit në histori ishte Charles G. Finney. Para se ai të shpëtohej ai dëshironte që të bëhej avokat. Por gjatë studimeve të tij në lidhje me ligjin ai erdhi në kontakt me Fjalën e Perëndisë. I vetëm, duke lexuar Fjalën e Zotit ai shpejt u bind për të dhe përfundimisht pati një transformim të mrekullueshëm. Në autobiografinë e tij ai përshkruan fuqinë e Perëndisë e cila erdhi mbi të për të thirur dhe drejtuar njerëz tek Krishti. Finney dilte nëpër rrugë dhe kur i shikonte njerëzit ata thjeshtë bindeshin për mëkatet e tyre, pendoheshin dhe ia dorëzonin jetën e tyre Zotit. Për shkak të kësaj lloji shërbese njerëz filluan që të shpëtohen nga do që ai shkonte. Në një libër ku përmbahen koleksione të shkrimeve të tija ai thotë: ”Ndiqe mundësinë e parë që të jepet për të komunikuar me ata që ju rrethojnë të cilët nuk e vrasin mendjen (përsa i përket shpëtimit të tyre). Mos e shtyej këtë mundësi ditë pas dite duke menduar se do të vijë një tjetër më e mirë. Ti duhet që të kërkosh një mundësi, dhe nëse nuk të jepet ndonjë, krijohe një vetë. Cakto një kohë ose vend dhe bëj një intervistë me mikun ose komshiun tënd ku ti mund të flasësh lirshëm me të…Nëse ti ndjen veçanërisht për një person të caktuar, shfrytëzoje rastin për të folur me të ndërkohë që këto ndjenja ende janë të pranishme. Nëse ndjenjat e tua për atë person janë me të vërtetë të sinqerta, atëherë ti ke arsye që të besosh se Fryma e Perëndisë është duke të shtyrë ty për të dëshiruar shpëtimin e shpirtit të tij, dhe që Perëndia është e gatshme për të të mbështetur ty në përpjekjen tënde për të bindur shokun tënd. Në raste të tilla, bëje çështjen temë lutjeje të veçantë dhe me rrëndësi dhe kërko një mundësi sa më të shpejtë për ti shprehur mikut tënd atë çfarë ti ke në zemër, dhe kështu përcille atë për tek Krishti”. (Rivival Lectures[1]: p. 177)

Po ju vetë?

A po e shikoni Perëndinë duke i përmbushur premtimet e Tij? Ai është duke i mbledhur fëmijë e Izraelit në mëmëdhe. Ai është gati për të depërtuar retë dhe të vendosi këmbët e Tija mbi Malin e Ullinjve. A po i shikon të humburit përreth teje? Mere mundësinë që të jepet në këtë çast për të folur me ata që ndodhen rreth teje. Mos prit edhe një ditë tjetër; fillo që të ndash ungjillin me ata që nuk e kanë Jezusin.

[1] Leksione mbi Rringjalljen

Autori: Nathan Werking
Përktheu: Marient Dimushi

Shënim: Ky artikull është marrë nga një bulletin që publikohet në Dallas, Texas si pjesë e shërbesës së kishës Resurrection Center.

Kthehu tek faqja: Materiale Biblike