Artikull: Inkurajuesi 3

AlbKristian.com - Faqe të Krishtera Shqiptare	Kryefaqja

Inkurajuesi – vol. 3

Nga Zjarri!

Tek letra e apostullit Judë 22-23 thuhet, ”Dhe kini dhembshuri për njëri duke përdorur dallim. Por shpëtojini të tjerët me druajtje, duke ia rrëmbyer zjarrit, dhe duke urryer edhe rrobën e ndotur nga mishi”. Është thirja e jetëve tona që të ndjekim shembullin e Zotit tonë Jezus, dhe të ndihmojmë në shpëtimin e atyre të cilët janë të humbur në errësirën e kësaj bote të errët. Pjetri në letrën e tij të parë 3:15 thotë, ”Madje shenjtëroni Zotin Perëndinë në Zemrat tuaja dhe jini gjithnjë gati për t’u përgjigjur në mbrojtjen tuaj kujtdo që ju kërkon shpjegime për shpresën që është në ju, por me butësi e me druajtje,…”.

Nëse ne zotërojmë një përgjigje kundrejt shpresës që gjëndet brenda nesh, nuk do të thotë se ne gjithashtu zotërojmë të gjitha përgjigjet e tjera të sakta të tërë kohën, ose argumentet më të mirë për të kundërshtuar dhe mbrojtur veten. Duke pasur një përgjigje mbase thjesht do të thotë që ne të ndajmë me të tjerët atë çfarë Perëndia ka bërë në jetët tuaja. Apostulli Pal kur mbrojti autoritetin e shërbesës së tij dhe vërtetësinë e Ungjillit, të cilat ishin vënë në dyshim nga disa njerëz, përdori dy metoda: dëshminë dhe eksperiencën e tij personale. Nëse ju jeni besimtarë atëherë ju zotëroni atë për të cilën kjo botë ka nevojë, Jezusin. Ju keni mundësi dhe përgjegjësi për ta lëne Jezusin të shkëlqejë lavdinë e Tij nëpërmjet jush, çdo ditë të jetës suaj. Mos u ndalni së dëshmuari për Jezusin për shkakun e frikës se do të dështoni në përpjekjen tuaj. Lutuni për përultësi në mënyrë që ta bëni Atë të njohur.

Dërgona o Zot!

Perëndia Ati ynë është Zoti i të korrave, lutjuni pra Zotit të të korrave, të dërgojë punëtorë në të korrat e Tij. Problemi nuk qëndron tek sasia e të korrave, por tek mungesa e punëtorëve. Ne si shërbyes të Ungjillit duhet që të lutemi për shumimin e punëtorëve të cilë do të shkojnë tek të korrat. Shumë herë ne mendojmë që filani apo fistekja - vëlla apo motër, janë ata të cilët janë thirur për të bërë filan punë. Por, përsa i përket vetes suaj! A nuk jeni edhe ju të thirrur? Shumë vetave kjo punë iu duket e pabëshme dhe ankohen se puna është tepër e madhe. “Përse të përpiqem, kur e di që kjo punë kurrë s’ka për tu përfunduar,” thonë ata. Por kjo nuk është një punë e pa mundur, sepse Perëndia na ka thënë që të shkojmë dhe të bëjmë dishepuj nga të të gjithë kombet. Ai nuk do të na urdhëronte që të bëjmë diçka pa na dhënë që më parë aftësitë për të për ta realizuar këtë qëllim. Ne jemi njerëzit që Perëndia i ka zgjedhur për të ungjillizuar të gjithë botën. Ne nuk kemi kohë për tu grindur dhe për tu ankuar. Zoti po na thëret për të shërbyer në të fushën e Tij të korrjeve. Ne duhet që të shkojmë pa marrë parasysh interesat tona personale. Asgjë tjetër nuk duhet që të ketë favor para përmbushjes së Porososë së madhe. Jetët tona janë lëndë që i shërbejnë urdhërimit të Perëndisë së gjithëpushtetshëm. Është Ai që na ka thirrur ne, dhe jo ne që e kemi thirrur atë. Ai është poçari dhe ne jemi balta. A i përket atij të cilit i është dhënë forma ti kërkojë llogari formëdhënësit, përse kështu apo ashtu? Jo! Ka ardhur koha që ta marrim indiferencën tone dhe ta hedhim nga dritarja. Kemi punë e cila duhet bërë, dhe Perëndia të ka zgjedhur ty si ndërmarës të kësaj pune.

Humbe vetveten-Dorëzohu!

Në shikim të pare këto fjalë duken paksa të ashpra. Por nëse ne ndonjëherë do të dëshirojmë ta ndjekim Perëndinë në mënyrën që Ai na kërkon, atëherë kjo është me saktësi ajo çfarë ne duhet të bëjmë. Jim Elliot, misionar I mirënjohur, i cili e dha jetën e tij për indjanët Auca, shkruan në kujtimet e tij, “Ai nuk është i marrë që jep diçka të cilën nuk mund ruajë për të përfituar diçka të cilën nuk duhet ta humbasë.” Jimi vdiq nga vetë duart e atyre të cilët Perëndia ia kishte caktuar që të shkonte dhe ti shërbente. Ne nuk i përkasim vetes tone, ne jemi të blerë me një çmim. Dikush tha, ”nuk është e nevojshme që ti të shkosh pertej detit për tu bërë misionar, mjafton që ti të shikosh kryqin”. Nëse ti qëndron në vendin tënd apo shkon përtej deteve, vdekja ndaj vetes tënde është e nevojshme. Dorëzohu, humbe veten tënde për qëllimet e Perëndisë. Ne nuk kemi se çfarë të humbasim, përveç asaj ç’ka na kërkohet. Gjejeni kënaqësinë tuaj kur e dini që jeta juaj është e fshehur me Krishtin tek Perëndia. Nëse ne vdesim për të, Ai ka për të na ngritur sërisht ditën e fundit. Sot është dita e shpëtimit. Kini kurajo, sepse Zoti është me ju. Ai kurrë nuk ka për t’ju braktisur apo zhgënjyer. Ai është ngritur, shpërndajeni atë! Mbani mend, ”Dhe çdo gjë që të bëni, me fjalë a me vepër, t’i bëni në emër të Zotit Jezus, duke e falënderuar Perëndinë Atë nëpërmjet tij”. Kol. 3:17.

Autori: Nathan Werking
Përktheu: Marient Dimushi

Shënim: Ky artikull është marrë nga një bulletin që publikohet në Dallas, Texas si pjesë e shërbesës së kishës Resurrection Center.

Kthehu tek faqja: Materiale Biblike