Artikull: Inkurajuesi 4

AlbKristian.com - Faqe të Krishtera Shqiptare	Kryefaqja

Inkurajuesi – vol. 4

Ditët e tua janë të numuruara!

Davidi thotë tek Psalmi 39:4, “O Zot, bëmë të njohur fundin tim dhe cila është masa e ditëve të mia; vepro në mënyrë që unë të di sa i brishtë jam”. Psalmi 147:4, 5 thotë, ” Llogarit numrin e yjeve dhe i thërret të gjitha sipas emrit të tyre. I madh është Zoti ynë, e pamasë është fuqia e tij dhe e pafund zgjuarësia e tij.” Psalmi 139:4-6 thotë, ”Sepse, edhe para se të jetë fjala mbi gojën time ti, o Zot, e di atë plotësisht. Ti më rrethon nga pas dhe përpara dhe vë dorën tënde mbi mua. Njohja jote është shumë e mrekullueshme për mua, aq e lartë sa unë nuk mund ta arrij.” Të gjitha këto shkrime dëshmojnë për diturinë dhe njohuritë të pafund’ta që ka Perëndia dhe Krijuesi ynë. Me të vërtetë, ditët e jetës sonë janë të numuruara. Ai na ka vendosur në këtë vend, për një kohë të tillë.

Një punë e shkurtër!

Ështe një fakt i vëtetë, që kjo gjeneratë ndodhet më afër ardhjes së Jezusit se çdo gjeneratë tjetër në të gjithë historinë. Jezusi është duke ardhur së shpejti. Një komentator thotë, ”Kthimi i Jezusit është përmendur më tepër se (318) tek Testamenti i Ri se sa tek doktrina të tjera...” (John Hagee Prophecy Study Bible, p1475). Bibla flet gjithashtu për Perëndinë I cili është duke bërë një punë të shkurtër në këtë tokë. Por ne si besimtarë mund të na duket sikur Krishti nuk ka për tu kthyer për shumë kohë. Por e vërteta është që Ai është afër, biles tek dera. Tek libri i Romakëve, Pali i flet publikut të tij për atë lloj pune të cilën Perëndia është duke bëre në botë. Kjo është ajo që ai thotë, “...Edhe sikur të ishte numri i bijve të Izraelit si rëra e detit, vetëm mbetja e tij do të shpëtohet, në fakt ai do ta realizojë vendimin e tij me drejtësi, sepse Zoti do ta realizojë dhe do ta përshpejtojë vendimin e tij mbi tokë``. Romakëve 9:27-28. Ne si besimtarë jemi në ballë të historisë. Na ka mbetur vetëm një kohë e shkurtër për të punuar për Perëndinë. Le të të agazohemi në punën e Perëndisë, punën e Shpirtrave.

Një vdekje e çmuar

Për besimtarët e pjesës perëndimore të botës, martirizimi është diçka e largët. Ne të vërtetë nuk është diçka të cilën ne perëndimorët jemi mësuar ta përjetojmë. Por Kisha si një trup i vetëm është duke vuajtur kudo në botë. Veçanërisht në Kinë ne verejmë një masakër jetësh të pafajshëme, që vdesin për shkakun e Krishtit. Psalmi 116:15 thotë, ”Është e çmueshme në sytë e Zotit vdekja e të shenjtëve të tij”. Filipjanëve 1:21 thotë, ”Sepse për mua të jetuarit është Krishti dhe të vdekurit fitim”. Nëse me tëpër se 12 teroristë munden që të japin jetën e tyre për diçka të rreme, duke pasur si qëllim shkatërimin e dy kullave binjake dhe si rrjedhojë dhe me mijëra jetë të pa fajshme; atëherë sa më të gatshëm duhet, që të jemi ne të japim jetët tona si ”…si fli të gjallë, të shenjtëruar, të pëlqyer te Perëndia, që është shërbesa jonë e mënçur” (Romakëve 12:1). Sëbashku me to të njëjtat vargje tek Gjoni 12:24, 25, i thotë Zoti ynë Jezus, ”Në të vërtetë, në të vërtetë po ju them: Nëse kokrra e grurit e rënë në dhe nuk vdes, ajo mbetet e vetme; por, po të vdesë, jep shumë fryt! Kush e do jetën e vet do ta humbasë; dhe kush e urren jetën e vet në këtë botë, do ta ruajë për jetën e përjetshme. Nëse ne nuk vdesim në veten tonë, mesazi i Ungjillit nuk ka për tu shumuar efektivisht. Por nëse ne e lejojmë Zotin që të bëjë punën e tij brenda dhe nëpërmjet nesh, ne do të korrim deri në fund të kohës me bollëk.

Na ndihmo o Zot!

Një lutje: ”Na ndihmo o Zot të dimë që ditët tona janë të numuruara në madhështinë tënde të pafund. Na ndihmo o Zot të shohim që ditët tona janë të shkurtra, në mënyrë qe ta shpërndajmë të vërtetën tënde me urgjencë. Na ndihmo o Zot që të vdesim për veten tonë në mënyrë që të japim më tepër fruta për Mbretërinë tënde. Dhe na ndihmo o Zot që të lëmë dashurinë të rritet në mënyrë që ne të të njohim ty.”

Autori: Nathan Werking

Përktheu: Marient Dimushi
Redaktoi: Elvis Plaku

Shënim: Ky artikull është marrë nga një bulletin që publikohet në Dallas, Texas si pjesë e shërbesës së kishës Resurrection Center.

Kthehu tek faqja: Materiale Biblike