Hyrje

AlbKristian.com – Faqe të Krishtera Shqiptare është një projekt i shërbesës ‘Shqiptarët për Krishtin’. Qëllim-dëshira jonë kryesore është: ‘Që t’ju shërbejmë shqiptarëve për Krishtin’. Nëse kjo është diçka që është në zemrën tuaj gjithashtu, atëhere ju mund të jepni ndihmesën tuaj vullnetare në mënyrat e mëposhtme ose thjesht na dërgoni një mesazh nëpërmjet imellit tonë të përgjithshëm: info©albkristian.com (kuptohet që © duhet zëvendësuar me @)

Mbështetje në Lutje – i gjithë ky projekt ka filluar dhe është bërë i mundur si rezultat i lutjeve të frymëzuara nga dëshira për t'ju shërbyer nevojave të ndryshme të shqiptarëve. Ne e kemi kuptuar që nga fillimi që lutja ka qenë dhe duhet që të jetë baza e domosdoshme për vazhdimësinë dhe suksesin e gjithçkaje që ne përpiqemi të bëjmë. Prandaj, nese kjo është diçka me të cilën ju mund të na mbështesni, ne do u jemi shumë falenderues. Lavdia i qoftë Perëndisë.
Këto janë disa prej gjërave për të cilat ju mund të na mbështesni në lutje:

1. Urtësi dhe Drejtim – Që Perëndia të na japi vazhdimisht urtësi dhe drejtim në lidhje me vendimet e shumta dhe të ndryshme që duhen marrë në lidhje me projektin në përgjithësi, dhe punët e ndyshme që duhen bërë në veçanti.
2. Efektivitet dhe Sukses – Lutuni që Perëndia ti bëjë punën dhe përpjekjet tona të suksesshme në të gjitha drejtimet dhe sipas vullnetit të Tij. Shumë njerëz na shkruajnë vazhdimisht me pyetjet dhe kërkesat e tyre dhe kjo ësht një përgjegjësi e vështirë por aq edhe e rëndësishme të cilën ne duam ta përmbushim sa më mirë që të kemi mundësi për lavdinë e Perëndisë.
   
   

1. Sugjerime dhe këshilla për përmirësim – ne jemi gjithmonë të hapur ndaj sugjerimeve dhe këshillave tuaja për përmirësimin e këtyre faqeve. Prandaj na shkruani...
2. Pyetje apo Korrigjime – nëse ju nuk jeni i sigurt për diçka, ose nëse ju mendoni që diçka duhet korrigjuar apo ndrequr, ju mund të na pyesni pa problem ose thjesht na tregoni në lidhje me korrigjimin që mendoni se duhet bërë. Pasi ta marrim ne do ta konisderojmë patjetër...
3. Këshilla dhe Idera – ne duam që të jemi sa më të frytshëm në punë që bëjmë, këshillat dhe iderat e juaja na ndihmojnë gjithmonë në përpjektjet tona.

Materiale, artikuj, përkthime, etj – Një nga mënyrat më të mira që ju mund të jepni kontributin tuaj është duke bashkpunuar me ne nëpërmjet materialeve, artikujve dhe informacioneve të tjera të ndryshme.
Nëse ju keni artikuj apo materiale të krishtera me kualitet.
Nëse ju keni bërë përkthime apo po planifikoni që të përktheni ndonjë artikull apo material që ju mendoni që ne mund ta përdorim për këto faqe, atëhere ju lutemi që të na shkruani dhe të na pyesni pa problem.
Ne nuk ju a premtojmë dot që të gjitha materialet apo artikujt do të pranohen pa problem, pasi kjo do të ishte e padrejte ndaj nesh dhe ndaj jush, por mbi të gjitha ndaj lexuesve dhe vizitorëve tanë.
Qëllimi ynë është që të publikojmë materiale me kualitet të lartë të krishterë dhe ne jemi të dedikuar ndaj këtij principi.
Këto janë disa nga kriteret dhe regullat kryesore që ju duhet të konsideroni nëse doni të na dërgoni materialet dhe artikujt tuaj:

1. Materiali apo artikulli duhet që të jete i krishterë dhe me kualitet.
2. Duhet që të jetë i shkruar mirë dhe mundësisht pa gabime ortografike apo gramatikore.
3. Nëse është i përkthyer, atëhere ju duhet që të na jepni emrin e autorit apo vendit ku e keni marrë, si dhe mundësisht materialin origjinal nga gjuha e përkthyer për arsye redaktimi dhe korrigjimi.
4. Nëse ju vendosni që të shkruani një artikull apo shkrim tuajin, atëhere ju lutemi që nëse është e mundur të përfshini në fund të shkrimit një listë, sado të shkurtër, të librave apo burimeve të ndryshme që keni përdorur gjatë shkrimit. Pra bibliografinë apo burimet e përdorura. (Mundohuni që të krijoni shkrime origjinale dhe jo përkthime të përshtatura me fjalët tuaja. Sinqeriteti është një nga ato veprat për të cilat Jezusi tha, “Nëse ju jeni besnik në gjërat të vogla, atëhere do t’ju besohen gjëra më të mëdhaja.”

Mbështetje Financiare - së shpejti ne shpresojmë që të krijojmë disa mënyra se si ju mund të na mbështesni financiarisht sipas mundësisë dhe dëshirës. Kjo shërbesë bëhet e gjitha në formë vullnetare dhe jo për arsye fitimi financiar ose diçkaje tjetër të atillë. Deri sa ne të krijojmë mënyrat për dhurata online, nëse ju keni vendosur që të na mbështesni në ndonjë mënyrë të atillë, ju lutemi që ta na kontaktoni nëpërmjet adresave dhe mënyrave të tjera të kontaktit që ju kemi vënë në dispozicion. Shumë faleminderit.

Për çdo gjë ju lutemi që të Na Kontaktoni